Cientificas Galegas

-
 Resultado de imagen de cientificas gallegas
A conquista da igualdade entre home e muller é unha das revolucións sociais máis admirables do noso tempo. Nunha charla organizada fai unhas semanas polas Mulleres en Igualdade de Pontevedra, explicaba Marta González, secretaria xeral de Igualdade da Xunta, as raíces históricas desta conquista.

Falábanos da importancia de que a muller traballase nos ámbitos da cultura e a ciencia para alcanzar a igualdade real de oportunidades. Citaba Marta o caso de Cristina de Pizán, escritora do século XIV que preconizou no seu libro A cidade das Damas, a igualdade intelectual e moral entre ambos xéneros. Sen esquecer a mención de tres mulleres galegas do século XIX de talla universal: Rosalía de Castro, Emilia Pardo Bazán e Concepción Arenal.

O pasado venres a Unidade de Muller e Ciencia de Galicia, que preside a secretaria xeral de Igualdade, entregaba a Marisol Soengas González o III Premio María Josefa Wonenburguer. Os logros nas súas investigacións contra o cancro de pel desta científica galega eran indiscutibles. Marisol non necesitou cotas para publicar nas revistas internacionais máis prestixiosas, nin para traballar nos Centros de Investigación de referencia no mundo. Desde o pasado ano dirixe o Grupo de Melanoma do Centro Nacional de Investigacións Oncológicas de Madrid.

Marisol Soengas mostrounos, sen estridencias, o mellor camiño cara á igualdade real.

Comentarios

Publicar un comentario

Entradas populares de este blog

Wang Zhenyi

-
Imagen
Wang Zhenyi (1768-1797) viviu durante a dinastía Qing, a última dinastía imperial Chinesa. A moza científica estudou astronomía, matemáticas, xeografía e medicina. Case nada, verdade? Hoxe en día, dedicámosnos/dedicámonos a estudar cousas moi específicas e aínda así ás veces cústanos. Certo é que as épocas cambiaron, o que nos alivia ao pensar nestas científicas que podían con todo. Encima, podían con todo literalmente; xa non só falo de diferentes ramas da ciencia, si non que podían tamén co sistema, que non permitía estudar ás mulleres. Polo que, Wang Zhenyi tivo que estudar soa, converténdose nunha excelente autodidacta. Resumindo, foi unha muller intelixente e loitadora. Está claro que lle apaixonaban diferentes ámbitos da ciencia, pero iso non era o único. O seu outro hobby era a poesía. Si, si, lestes ben, gustáballe escribir poemas, e diría que o facía realmente ben, pois foi capaz de deixar a súa marca nese mundo. Non podería estar máis de acordo coa frase Eu so
Leer más

Sonia Kovalévskaya

-
Imagen
Sonia Kovalévskaya foi unha matemática rusa do século XIX , que para poder estudar na universidade tivo que saír fóra de Rusia, pedir permisos especiais para asistir a clase e solicitar clases particulares a ilustres matemáticos. Despois de obter o doutoramento en matemáticas, a pesar de que ningunha universidade en Europa admitía a unha muller como profesora, conseguiu selo na entón recentemente creada Universidade de Estocolmo. As súas investigacións céntranse na análise matemática. O seu nome pasou á historia polo Teorema de Cauchy - Kovaleskaya . A súa especialización, polo que na súa época foi coñecida en toda Europa, era a teoría de funcións abelianas . O seu traballo sobre os aneis de Saturno representa a súa achega á matemática aplicada. O seu maior éxito matemático foi a súa investigación sobre a rotación dun sólido ao redor dun punto fixo polo que obtivo o Premio Bordin da Academia de Ciencias de París. O seu traballo póstumo, unha simplificación dun teorema de Bruns
Leer más

Mary Anning, a paleontóloga que demostrou a extinción

-
Imagen
Mary Anning pertencía á clase baixa e a unha familia de protestantes que non aceptaba o credo anglicano. E, por encima de todo, era muller. Estes factores pesaron máis ao mundo científico do seu tempo que o amplo coñecemento que acumulou ao longo de anos de procura de fósiles. Unha procura que aprendeu do seu pai e que iniciou para gañarse a vida e axudar á paupérrima economía familiar. Co tempo converteuse nunha eminencia na sombra no mundo da paleontología e os seus descubrimentos contribuíron a desmontar a teoría creacionista e a corroborar as teorías evolutivas. Pero soamente algúns poucos homes citárona nos seus estudos e foi logo da súa morte que a Sociedade Geológica de Londres se dignó a renderlle a merecida homenaxe. Mary Anning naceu o 21 de maio de 1799 na cidade inglesa de Lyme Regis. Os seus pais pertencían a un grupo coñecido como disidentes, é dicir, que profesaban o protestantismo pero non seguían os dictados da igrexa anglicana. O seu pai, Richard Anni
Leer más