Purificación Escribano

-
Doutora en ciencias químicas pola Universidade de Valencia, Purificación Escribano foi catedrática de Química Inorgánica da UJI.
Como indica Sebastián Bruque na referencia 3., Purificación Escribano participou en numerosos proxectos de investigación e publicou máis de cen artigos no campo das cerámicas, ‘destacando os seus estudos na minimización do contido de metais cromóforos de alta toxicidade en pigmentos convencionais da industria’. Neste ámbito, ‘desenvolveu novas estruturas pigmentantes menos agresivas co medio ambiente, substituíndo metais de transición nocivos por iones lantánidos’. Tamén ‘explorou métodos de sínteses en disolución alternativos á síntese cerámica tradicional para reducir temperaturas de obtención e investigou os mecanismos de coloración para deseñar novas estruturas pigmentantes de maior poder de coloración diminuíndo o contido en elementos cromóforos’. Purificación Escribano dirixiu o Colexio Universitario de Castelló entre 1987 a 1989 e converteuse nunha das protagonistas no proceso de creación da Universidade Jaume I de Castelló en 1991. Foi vicerreitora de Investigación da UJI entre 1992 e 1993. Con profundas ideas feministas, Purificación Escribano fundou o Seminario de Investigacións Feministas e de Xénero da UJI.
https://youtu.be/6Hb8uXXYusw
 

Comentarios

Publicar un comentario

Entradas populares de este blog

Wang Zhenyi

-
Imagen
Wang Zhenyi (1768-1797) viviu durante a dinastía Qing, a última dinastía imperial Chinesa. A moza científica estudou astronomía, matemáticas, xeografía e medicina. Case nada, verdade? Hoxe en día, dedicámosnos/dedicámonos a estudar cousas moi específicas e aínda así ás veces cústanos. Certo é que as épocas cambiaron, o que nos alivia ao pensar nestas científicas que podían con todo. Encima, podían con todo literalmente; xa non só falo de diferentes ramas da ciencia, si non que podían tamén co sistema, que non permitía estudar ás mulleres. Polo que, Wang Zhenyi tivo que estudar soa, converténdose nunha excelente autodidacta. Resumindo, foi unha muller intelixente e loitadora. Está claro que lle apaixonaban diferentes ámbitos da ciencia, pero iso non era o único. O seu outro hobby era a poesía. Si, si, lestes ben, gustáballe escribir poemas, e diría que o facía realmente ben, pois foi capaz de deixar a súa marca nese mundo. Non podería estar máis de acordo coa frase Eu so
Leer más

Sonia Kovalévskaya

-
Imagen
Sonia Kovalévskaya foi unha matemática rusa do século XIX , que para poder estudar na universidade tivo que saír fóra de Rusia, pedir permisos especiais para asistir a clase e solicitar clases particulares a ilustres matemáticos. Despois de obter o doutoramento en matemáticas, a pesar de que ningunha universidade en Europa admitía a unha muller como profesora, conseguiu selo na entón recentemente creada Universidade de Estocolmo. As súas investigacións céntranse na análise matemática. O seu nome pasou á historia polo Teorema de Cauchy - Kovaleskaya . A súa especialización, polo que na súa época foi coñecida en toda Europa, era a teoría de funcións abelianas . O seu traballo sobre os aneis de Saturno representa a súa achega á matemática aplicada. O seu maior éxito matemático foi a súa investigación sobre a rotación dun sólido ao redor dun punto fixo polo que obtivo o Premio Bordin da Academia de Ciencias de París. O seu traballo póstumo, unha simplificación dun teorema de Bruns
Leer más

Mary Anning, a paleontóloga que demostrou a extinción

-
Imagen
Mary Anning pertencía á clase baixa e a unha familia de protestantes que non aceptaba o credo anglicano. E, por encima de todo, era muller. Estes factores pesaron máis ao mundo científico do seu tempo que o amplo coñecemento que acumulou ao longo de anos de procura de fósiles. Unha procura que aprendeu do seu pai e que iniciou para gañarse a vida e axudar á paupérrima economía familiar. Co tempo converteuse nunha eminencia na sombra no mundo da paleontología e os seus descubrimentos contribuíron a desmontar a teoría creacionista e a corroborar as teorías evolutivas. Pero soamente algúns poucos homes citárona nos seus estudos e foi logo da súa morte que a Sociedade Geológica de Londres se dignó a renderlle a merecida homenaxe. Mary Anning naceu o 21 de maio de 1799 na cidade inglesa de Lyme Regis. Os seus pais pertencían a un grupo coñecido como disidentes, é dicir, que profesaban o protestantismo pero non seguían os dictados da igrexa anglicana. O seu pai, Richard Anni
Leer más